DEFENSA
DEL PHOTOSHOP
Como
si enredare col Photoshop
por
convertir una fotografía mediocre
na
estampa d’un tapecer memorable,
alcuando
entreténgome
en
camudar n’alcordanza
la
última imaxe que guardo de ti:
gafa
enemiga que cuerre pel monte,
como
les furies, arrenegando de mi,
daquellos
díes que fuimos xuntos.
Y
con un simple niveláu de brillos
y
contrastes, un pizcu de saturación
de
color, malpenes delles capes
superpuestes
col fin de meyorar
la
calidá de la imaxe, véote a la fin
en
díes más afayadizos, la sonrisa franca,
los
güeyos sonces que tamién sonríen
cómplices,
la mano delgadina
que
caricia con un calor y un enfotu
de
los que muncho me probeció
volver
alcontrar iguales o meyores.
A
última hora de la nueche, de la qu’asomen
pela
ventana, enriba los teyaos,
los
deos de rosa de l’Aurora, enantes
de
despidime de l’alcordanza de ti,
faigo
click en “guardar los cambios”,
préstame
más escaécete asina,
na
imaxe modificada.
Sem comentários:
Enviar um comentário