Con
calculada sabeduría llantaben los nuestros antigúos
eses piedres nos requexos más vulnerables de los teyaos de
pizarra o teya: pa que les ventisquiaes del hibiernu nun desatecharen
la casa.
Lleo
con emoción los versos íntimos, vivos, verdaderos del
últimu llibru d'Ana Vega: “Al xeito del tambor” y
escúrreseme una xustificación moral pa tolos que nos
enfotamos na vieya fala del alma, en toes eses llingües pequeñes
que l'airón de la hestoria y del escaezu puxen por esborriar
del mapa de la tierra.
En
cierto, siguimos el mesmu ritu heredáu de los nuestros
antigüos: poner piedra y piedra enriba'l teyáu d'una casa
que si destecha arruina, cai, piérdese pa siempre.
Gracies
Ana por compartir con nós eses piedrines que valen pa que nun
s'esborrie una parte de la nuestra identidá ensin la que
díbamos sentinos más solos y desabrigaos énte
les ventisquiaes de la vida. Versos como éstos de los que
nengún llector sensible s'escaez tan fácilmente:
El
único recordo que me queda de meu bolo
y al
que m'agarro sempre, sempre,
é
que pouco antias de morrer
empeñóuse
en comprar úa acordión encarnada
y
tocalla con tanta dedicación
qu'a
morte case non puido llevallo
pol
xeito en que taba agarrao a ella.
Sem comentários:
Enviar um comentário